اهداء الى حملة المزنوقين فى رسالة الماجستير

اولا اختيار التخصص
هناك عوامل كثيره تدخل فى اختيار التخصص او نوع الماستر
وتعتمد على اتجاهين الاول هوحضرتك والثانى هو نوعيه التخصص
الاتجاه الاول وهو المتقدم يجب ان يعلم الهدف الاساسى من التقدم لدراسه الماجستير وهناك امثله كثيره
* تحسين وضعك فى العمل( مثل اعضاء هيئه التدريس او الاخصائين فى المؤسسات الحكوميه)
* للسفر (السفر يتطلب وجود ماستر لسهوله الحصول على عمل او الحصول على منحه جامعيه)
* لتقضيه وقت الفراغ مثل الكثير من الذين لايرغبون فى العمل ومعظهم من البنات
* للعلم وهم للاسف اقل نسبه لان العلم الان ليس له اهميه بالنسبه للمصريين

وجميع ماسبق لايلتزم بتخصص معين سوى الذين يرغبون فى السفر او تحسين وضع العمل لانه مجبر على تخصص معين

الاتجاه الثانى وهو نوعيه التخصص
الان وبعد ماعرفت نوعيه المتقدم
يبدا البحث عن التخصص المطلوب
التخصص يجب ان يتم اختياره بكفائه حتى لاتندم على دخول تخصص لاتريده
ولعلمك الشهاده الاخيره تلغى ماقبلها بمعنى ان حصولك على ماستر فى الكمياء الطبيه يلغى بكالوريس كمياء - بيولجى او يضعف احتمالات العثور على وظيفه بالبكالوريس بسبب ضياع سنين الخبره فى الماستر ويجوز ان تطلق على نفسك تخصص كمياء طبيه

ونريد ان نلفت الانظار ان فى مصر للاسف لايوجد اى نوع من التنظيم
للاسف المنظومه كلها تعتمد على العشوائيه فى القرارت فلاتتعجب ان تتداخل التخصصات العلميه والوظائف الطبيه بالصناعيه وهكذا

بعد اختيار التخصص نرجو اختيار اكتر من تخصص بصوره تدريجيه
بمعنى انى عايز تخصص فى التحاليل الطبيه
يتم الاختيار
كمياء حيويه ( ولعلمك هى ايضا تسمى كمياء حيويه طبيه او اكلنيكه ) بالنسبه للتحاليل الطبيه
ميكروبيولجى ( وايضا تمسى كلينكال فى حاله عملك فى التحاليل الطبيه )
مناعه

ثم باقى تخصصات البيولجى (هيماتولجى - باثولجى - بارسيتولجى -وراثه - سيتولجى وهكذا )

والسبب فى ذلك احتمال ضياع التقدم لاحد التخصصات بسبب شروط التقدم للجامعات

انتهى الان اختيار نوعيه سبب التقدم
وترتيب انواع التخصص المحتمل المتقدم لها

ندخل الان فى مرحله التقديم
يبدا التقديم للدرسات العليا فى جميع جامعات مصر والمعاهد البحثيه فى الفتره من بدايه شهر اغسطس حتى نهايه شهر سبتمبر
وتضع كل جامعه شروط لها على حسب اجتماع مجلس الكليه او الجامعه او المعهد
وتخضع الشروط لعوامل كثيره منها اعداد المتقدمين ونوعيه الدراسه واحيانا نوعيه المتقدمين
وتختلف الشروط من عام لاخر على حسب الظروف
لذلك لاتعتمد على شروط عام سابق
من الشروط المتعارف عليها
تقدير جيد للتقدم للماجستر فى التخصص
ان يكون المتقدم من نفس التخصص العام
وبالنسبه لتخصص الكمياء الحيويه يتطلب شهاده من جهه بحثيه تفيد بقيامه بابحاثه فى هذه المؤسسه
ونصها كالاتى

السيد الاستاذ الدكتور وكيل كليه العلوم لشئون الدرسات العليا

تحيه طيبه وبعد ....
نفيد علم سيادتكم ان الكميائيه \
تعمل لدينا بوظيفه اخصائى تحاليل طبيه
بمعمل ----------------------)
بمستشفيات --------------
ولا مانع لدينا للتسجيل وتحضير ماجستير الكمياء الحيويه
ولكم جزيل الشكر

مدير المعمل مدير الوحده

طبعا فى زملاء عندهم مشكله فى كتابه اخصائى تحاليل او اخصائى معمل
يكتب بدلها كميائى او فيزيائى عادى او حتى اسمه بس (وان كنا نرجو عدم التنازل عن لقبك )
بس ياريت طبعا يركز على اخر سطر كلمه لامانع

وللعلم اوقات كتير جدا مكان عملك لاتقوم فيه باى انشطه او تجارب او تحاليل
كما سنتحدث لاحقا
يعنى انت تقنع مكان عملك سواء الاداره او المعمل عندك ان مفيش اى مسئوليه اواعباء على مكان العمل ودى مجرد ورقه صوريه وعن تجارب شخصيه لمده 4 سنوات

والشهاده ممكن تحصل عليها من معاهد بحثيه او جامعيه مقابل ايجار بمبلغ مالى يتراوح من१५०० جنيه الى خمسه الاف جنيه
وممكن الشهاده تتضرب من اماكن كتير بس انت دور ولف
وللعلم فى تصريح بيضرب من نقابه الاطباء علشان تقدم فى الماستر للاطباء والكل عارف انه مضروب
جامعه عين شمس بتقبله بس القصر العينى لا

الان تم اختيار عده تخصصات ومركزين على التخصص الاول وروحنا اكثر من جامعه نشوف شروط كل جامعه والمصاريف
لانها تختلف من جامعه لاخرى

الحمد لله لقيت جامعه مناسبه اقدم بسرعه فيها واسئل هل هناك تنسيق داخلى او لا
بمعنى تقدم مئه طالب وبعد اجتماع مجلس القسم قرر انه هياخد نصف العدد هيعملوا ايه هيختاروا على اساس ايه
لازم اكون عارف ايه الشروط الداخليه واتابع باستمرار
لان ممكن اطمن وفجاه الاقى نفسى مش مقبول ويرجعوا الورق وتضيع على السنه فى التقديم لمكان جديد

طيب لو لقيت الموضوع صعب اعمل ايه ؟
اهم حاجه الصبر ثم الصبر لان هيطلع عين اااااااااااااااااا
فلازم تتعود على كده
انت كده كده متابع اكثر من جامعه فى تخصصك والتخصصات البديله وعارف هتقفل امتى
كمان حتى لو لقيت نفسك لم تقبل
تعمل الاتى
مين ؟
ممكن ادخل يادكتور ؟
اتفضلى انتى مين ؟
انا طالبه مقدمه فى تمهيدى ماستر كذا وسمعت ان حضرتك المسئول عن القبول او الرفض
وانا ظروفى كذا كذا ومينفعش انى اقدم فى جامعه تانيه وانا بنت الجامعه وكلام من هذا القبيل
والتقديم قفل هناك والكليه هنا ضيعت فرصتى فى التقدم لجامعه اخرى وهكذا
وعائلتى كذا كذا لو برده كان غير مقتنع

وللعلم زى ماقولت الموضوع بيكون عشوائى او على حسب الظروف
فلو حضرتك لم تقبل على حاجه بسيطه ممكن تتقبل انما لو اختلاف كبير لازم واسطتك تكون كبيره

اخيرا الحمد لله اتقبلت
مبروك
الدراسه فى نوفمبر

الجزء الثانى (التمهيدى )

تعتبر سنه التمهيدى من اصعب مراحل دراسه الماجستير لانها سنه نظرى فقط وتعتمد على الحضور او المتابعه
والكثير من الزملاء يتركون اعمالهم فى فتره الامتحانات لصعوبه حصولهم على اجازه لمده شهر او اكثر

والنصيحه المقدمه لك عزيزى الطالب لاتترد فى شئ تفعله اعقلها وتوكل
وسواء كانت النتيجه جيده ام لا استمر فى مشوارك

الجزء الثالث ( العملى )
بعد انتهاء العام النظرى ياتى الان المرحله العمليه فالمطلوب منك القيام بمشروع بحثى لمده لاتقل عن عام
من تاريخ تسجيل النقطه (تقديم البرتكول )وتمتد الى خمسه سنوات
يبدا بكتابه برتكول عن المشروع وينتهى بكتابه الرساله نفسها

البرتكول : هو عباره عن مخلص العمل البحثى
يتكون من صفحه بها اسم البحث واسم المشرفين واسم حضرتك والكليه والعام والقسم
وصفحتين او اكثر تتحدث فيهم عن مقدمه عن الموضوع وشرح باختصار للطرق المستخدمه
وفى النهايه صفحه بها المراجع المستند لها حديثك عن المشروع
وملخص باللغه العربيه فى صفحه واحده

ويتم تقديمها لاداره الكليه وبعد الموافقه عليها تبدا فى مرحله العلمى

مرحله العملى تنقسم الى مرحله اختيار النقطه
ثم طرق التجهيز (شراء الكيتس- طرق القياس - تحضير العينات او المرضى )
ثم الاحصاء ومعالجه الاخطاء

اختيار نقطه البحث تختلف من كليه لاخرى ومن مشرف لاخر
لان هناك مشرفين يتركونها للطالب وهناك يتم فرضها عليه
المهم فى ذلك حساب الموضوع كله على بعضه لانك ممكن تتدبس فى تكلفه اجماليه قد تكون فوق قدراتك الماديه من ناحيه مصاريفك على الكيتس وتجهيز العينات وقياسها وستنحدث عن كل نقطه بالتفصيل

شراء الكيتس :

يجب ان تعلم ان الكيتس انواع وان هناك شركات وسيطه كثيره تتعامل فى ذلك وهناك طرق كثيره

اولا حضرتك بتختار كيتس معينه وتدخل على النت وتعمل بحث لغايه ماتعرف كام شركه بتعملها واسعارها ايه

وبتشوف هى هتكون متاحه فى خلال كام اسبوع او شهر وطريقه الشحن ومده الصلاحيه وحاجات كتير

ولازم تتاكد ان الكيتس هتوصل كامله لشغلك يعنى ممكن توصل وتلاقى حاجه بسيطه مش موجوده لانها مش تابعه للكيتس مثل محاليل الاذابه للخلايا او تظبيط الحموضه والقلويه وهكذا

قياس العينات :

يجب ان تعلم ماهى الطريقه او تكنيك قياس العينات وهل يلزم لها تحضيرات معينه وماهو الجهاز الافضل فى القياس

واماكن تواجد هذا الجاهز ولعلمك معظم الاجهزه موجوده فى كل الكليات العمليه والمراكز والمعاهد البحثيه باسعار رمزيه

الحصول على العينات (خبرتى الشخصيه فى عينات المرضى ميدكال يعنى )

لو انت شغال فى مكان فيه نفس نوع حالتك يبقى زى الفل

لو مش كده بتشوف المكان ويبقى عندك الحلول التاليه

انك تاخد مشرف من المكان ده ويظبطلك هو العينات او قياسها

او تظبط حد جوه المكان تمريض او اى حد وللعلم هما معروفين

او تعمل ورقه رسمى من مدير المستشفى ولكن هذه صعبه حاليا

وللحديث بقيه

دوره نيبوش فى أجازه نصف العام بجامعه القاهرة

يتم التجهيز الان لاقامه دوره النيبوش المعتمده من انجلترا بجامعه القاهرة خلال اجازه نصف العام أنتظروا التفاصيل لاحقا للتواصل الان عبر الفيس بوك اضغط هنا ماهى النيبوش تم تصميم شهادة NEBOSH العامة الدولية لمديري والمشرفينوغيرهم ممن تتطلب فهم مبادئ الصحة والسلامة والممارسات. المرشحين من المحتمل أن تكون من موظفي المؤسسات الكبيرة التي تعمل خارج المملكة المتحدة، أو من الشركات متعددة الجنسيات تعمل بالفعل مع المعايير الدولية ولكن الذين يحتاجون إلى التكيف هذه إلى اتفاق مع الاحتياجات المحلية والممارسة. شرط اساسى ومهم للعمل فى مجال السلامه بالبترول والشركات العالميه شرط اساسى لتكون مدير او رئيس قسم فى السلامه فى كبرى الشركات The NEBOSH International General Certificate is designed for managers, supervisors, worker representatives and others who require an understanding of health and safety principles and practices. Candidates are likely to be employees of large organisations operating outside the UK, or of multinational companies already working to international standards but who ...

قراءة المزيد

علماء مصر

بحث هذه المدونة الإلكترونية

اهداء الى حملة المزنوقين فى رسالة الماجستير

المشاركات الشائعة من هذه المدونة

دوره نيبوش فى أجازه نصف العام بجامعه القاهرة

دورات الامان والسلامه فى مجال البترول دولياً

جامعة البحرين تعلن عن وظائف جديدة لأعضاء هيئة التدريس "من معيد الي أستاذ".. سجل هنا